Bang Media

Indirimbo z'Imana Videos

Louise Mushikiwabo

Ifoto Louise Mushikiwabo
Louise Mushikiwabo yavukiye i Jabana tariki 22 Gicurasi 1961. Ni umunyapolitiki w’Umunyarwandakazi, kuri ubu akaba ari Minisitiri w'Ububanyi n'Amahanga ndetse n'Umuvugizi wa Guverinoma. Yize muri Kaminuza Nkuru y'u Rwanda i Butare,akaba ari naho yakuye impamyabumenyi mu bijyanye n'indimi zo hanze. Muri Nyakanga 1985 yabonye akazi mu ishuri Lycée de Kigali, aho yigishaga ururimi rw'icyongereza.

Muri 1986, ku myaka 24, yahawe buruse yo kujya kwiga muri Leta Zunze Ubumwe z'Amerika muri kaminuza ya Delaware aho yaragiye gukurikira amasomo y'ibijyanye n'indimi n'ubusemuzi.

Mushikiwabo Louise arangije Delaware yabonye akazi i Washington D.C. Jenoside yo mu 1994 yabaye ariho agikora.

Jenoside yahitanye umuvandimwe we Landward Ndasingwa wari uzwi cyane ku izina rya Lando, akaba yari umwe mubashinze ishyaka ryo kwishyira ukizana (P.L), yishwe mu ijoro ry’uwa 6 rishyira uwa 7 Mata 1994 ku Kimihurura, bamwicana n'abana babiri n'umugore we.

Afatanije na Jack Cramer, Mushikiwabo Louise yanditse igitabo kuri Jenoside bacyita « Rwanda Means The Universe:A Native's Memoir of Blood and Bloodlines».

Nyuma yo kugaruka mu Rwanda, Mushikiwabo yaje kuba Minisitiri w'itangazamakuru, umwanya yafashe kuva tariki 7 Werurwe 2008.

Related Posts by Categories



Sem comentários:

Enviar um comentário

Related Posts Plugin for WordPress, Blogger...