Bang Media

Shakisha

Indirimbo z'Imana Videos

John Kerry yasabye Kabila kutazongera kwiyamamariza indi manda

Umunyamabanga wa Leta Zunze Ubumwe za Amerika (USA) ushinzwe ububanyi n’amahanga, John Kerry, yasabye Perezida wa Repubulika Iharanira Demokarasi ya Congo, Joseph Kabila, kutazongera kwiyamamariza kuyobora iki gihugu mu 2016.

Nk’uko tubikesha Jeune Afrique, John Kerry yasabye Perezida Kabila gukurikiza Itegeko Nshinga mu matora y’ubutaha kuko igihe yemererwa kwiyamamaza yakirangije.

Joh Kerry yagize ati “Nkeka ko Perezida Kabila abizi neza […] ko Leta Zunze Ubumwe za Amerika zizeye ko ibiteganywa mu Itegeko Nshinga bizubahirizwa”.

John Kerry yasabye Kabila ibi nyuma yo gutangaza ko USA yiyemeje gutera inkunga iki gihugu inkunga yo gusezerera inyeshyamba zihagaritse guhungabanya umutekno.

Nk’uko tubikesha New Vision, inkunga yemejwe n’ubwo yageraga muri RDC ku wa Gatandatu tariki 3 Gicurasi mu rugendo akomeje kugirira mu bihugu bitandukanye bya Afurika.

John Kerry yagize ati “ Navuga ntashidikanya ko twiteguye kubafasha”. Dukomeje kureba mu ngengo y’imari, aho twakura inkunga yo kongerera RDC, kandi twamaze kubona zimwe duteganya kubasangiza”.

New Vision yagaragaje ko n’Umuryango b’Ibihugu by’i Burayi wamaze kwemeza ko witeguye gutera inkunga iki gikorwa, ariko ko ukaba warashakaga gihamya ko iyi gahunda itazananirwa nk’uko byakomeje kugenda guhera mu 2004.

Kugeza ubu Guverinoma ya RDC yagerageje ibishoboka byose mu guhangana n’intambara z’urudaca zikunda kurangwa mu Burasirazuba bw’iki gihugu, kuva uho ingabo za Leta zafashijwe n’ingabo za Loni mu guhashya inyeshyamba za M23 zikaba zarahagaritswe mu Gushyingo 2013.

John Kerry akomeje uruzinduko muri Afurika, akaba yari yitezwe cyane cyane mu bihugu bikibonekamo intambara nka RDC, Ethiopia, Sudani y’Epfo. Kuri iki cyumweru bivugwa ko yerekeje muri Angola.

Muri uru rugendo rwatangiye kuwa 29 Mata rukaba rwitezwe kugeza kuwa 5 Gicurasi 2014, John Kerry ngo yaba aherekejwe n’intumwa ya Leta Zunze Ubumwe za Amerika mu Karere k’Ibiyaga Bigari, Russ Feingold,bivugwa ko yagize uruhare rukomeye mu guhashya inyeshyamba za M23.

Mu nyeshyamba zikirangwa muri Congo cyane cyane mu Burasirazuba, Harimoo n’inyeshyamba za FDLR zigizwe n’abahunze u Rwanda nyuma ya Jenoside yakorewe abatutsi mu 1994 n’imiryango bahejeje mu mashyamba.

Jeune Afrique

Related Posts by Categories



Sem comentários:

Enviar um comentário

Related Posts Plugin for WordPress, Blogger...