Bang Media

Indirimbo z'Imana Videos

Kuki Abakongomani b'ibitsina byombi bakunda kwitukuza ?

Kuki Abakongomani b'ibitsina byombi bakunda kwitukuza ?
Nyuma y’aho benshi bakunze kwibaza igitera benshi mu baturage bakomoka muri Repubulika iharanira Demokarasi ya Congo (RDC) kwisiga amavuta atukuza umubiri, IGIHE yaganiriye na bamwe mu Banyekongo batuye mu Rwanda bagaragaza bimwe mubibatera kwitukuza.
Mu kiganiro na IGIHE abatuye mu mujyi wa Kigali, biganjemo abakora umwuga wokogosha, bemeje ko amafaranga ari cyo kintu cya mbere gituma bitukuza gushaka imicyo n’ibindi.

1.Amafaranga

Mawazo Prince umusore w’imyaka 33 utuye i Gikondo, akaba ari n’umwogshi ukora yagaragaje impamvu yemeza ko amafaranga ari yo atuma bakunda kwitukuza.

Mawazo yagize ati “Wakwitukuza ute se nta mafaranga yo kugura amavuta ugira cyangwa uteganya kujya ubona buri kwezi ? Erega abakongomani twe dukunda kugaragara neza”.

2.Gukunda kugaragara neza

Didier Umunyekongo uca inzara we yahuje kwitukuza n’isuku cyangwa gukunda kugaragara neza nka kimwe mu bituma bakunda kwitukuza ari nay o mpamvu bikundwa n’abakire.

Didier yagize ati “ Twe kenshi kubona umukire w’igikara biba bigoye kubera ko buri wese iyo abonye amafaranga ahita agura amavuta ahenze kandi rero usanga amavuta ahenze kenshi aba atukuza”.

Yakomeje avuga ko benshi bakunda kwitukuza babitewe no gukunda gusa neza, kugaragara neza, amafresheri (fraisheurs) ya buri gihe atuma bashobora kwigaragaza neza muri bagenzi babo.

3. Imyumvire

Abanyarwanda bamwe na bamwe bemeza ko imyumvire iranga abakongomani ya mbere ari iyo kwitukuza, cyane ko bikunze kugaragara nk’aho babigize umuco.

Biziyaremye Williams umugabo w’imyaka 27 y’amavuko na we akaa yogosha hamwe na bo yagize ati “Abakongomani bose njye mbona ikibaranga ari kwitukuza kuko ubanza utabikoze aba avanze (aba adafite kavukire yuzuye ya Congo)”.

4. “Umungala”

“Umungala” ni imvugo y’inzaduka ikunzwe gukoreshwa n’urubyiruko aho ruba rushaka kugaragaza kuryoshya, gucya, umutuzo n’ibindi.

Muteba Rember yagize ati “ Mungala ndo kitu cya kwanza ! Sasa mutu anajipakalaka mavuta ju akuwe na Fresher sikweli ? Mungala ndo kitu ca kwanza kwetu bakongomani”.

Tugenekereje yagize ati “ Umungala ni cyo kintu cya mbere ! Burya umuntu yisiga amavuta kugira ngo agire fresher sibyo ? Umungala ni cyo kintucya mbere ku banyekongo”.

Igitanganza benshi n’uko hari benshi bashobora kubura amafaranga yo kurya mu mwanya wo kubura amavuta yo kwitukuza.

Nubwo IGIHE yavugenye n’abanyekongo gusa hari n’abanyarwanda bikunze kugaragaraho cyane cyane ku bakobwa n’abagore nubwo muri Congo bikorwa n’ibitsina byombi.

Abahanga mu by’Ubuzima bavuga ko amavuta atukuza ashobora kugira ingaruka z’ako kanya cyangwaiza kure ku mubiri w’umuntu kuko agizwe n’ibishobora kwangiza ubushobozi bw’uruhu rwirabura bwo kurinda imirasire y’izuba bakunda kwita “melanine”.

igihe.com

Related Posts by Categories



Sem comentários:

Enviar um comentário

Related Posts Plugin for WordPress, Blogger...