Bang Media

Shakisha

Indirimbo z'Imana Videos

Nyamagabe : Umucuruzi yibye inkoko bamuzengurutsa umujyi wose ayambaye mu ijosi

http://ngwinourebe.topstories24.com
Umusore w’imyaka 28 utuye mu mudugudu wa Kabacuzi mu Kagari ka Nyamugari mu Karere ka Nyamagabe yafashwe yibye inkoko maze azengurutswa umujyi wose ayambaye mu ijosi nka karuvati.

Amakuru aturuka mu Karere ka Nyamagabe ,avuga ko uyu musore yari asanzwe acuruza mu isoko rya Kabacuzi ku buryo no gufatwa kwe byatewe n’uko yari asanzwe azwi n’abaturage bahoraga bamubona muri iryo soko.

Umwe mu baturage baganiriye na IGIHE kuri telephone utashatse ko izina rye ritangazwa, avuga ko uyu musore yafashwe ku isaha ya saa saba n’iminota icumi nyuma y’uko abaturage baboneye ko inkoko afite ariyo yibye umwe mu baturage bari bari kuyishakisha uruhindu muri iryo soko.
Yagize ati “ Bibaye mu kanya nonaha nibwo mbonye umuhungu afashwe n’abaturage benshi bamushinja ko yabibiye inkoko, nyuma y’uko bamufashe bahise bamubaza niba ari iye ariko we ahita yemera ko yayibye ndetse yemera ko atayiguze “

Nyamagabe : Umucuruzi yibye inkoko azengurutswa umujyi wose ayambaye mu ijosi
Avuga ko bamuzengurukije umujyi wose ayambaye mu ijosi kugira ngo bibere isomo n’abandi bajura bamaze iminsi bacuza abaturage amatungo yabo.
Ati “ Impamvu babikoze bakamuzengurutsa umujyi wose ayambaye mu ijosi n’uko hamaze kwaduka ingeso yo kwiba amatungo arimo inkoko ,inkwavu n’ihene. Babikoze rero kugira ngo n’abandi bajura babonereho “.
Nyuma y’uko uyu musore azengurukijwe Nyamagabe yose , bahise bamujyana kuri sitasiyo y’i Nyamagabe kugira ngo polisi ikomeze kumukurikirana.

Related Posts by Categories



Sem comentários:

Enviar um comentário

Related Posts Plugin for WordPress, Blogger...