Bang Media

Shakisha

Indirimbo z'Imana Videos

“Uzi cyo ndi cyo”, imvugo Minisitiri Fasil atifuza ku Mupolisi w’u Rwanda

by http://rw.topstories24.com
 Minisitiri w’Umutekano, Sheihk Musa Fazil Harerimana, yasabye Abapolisi b’u Rwanda kurangwa n’indangagaciro nziza, bagakorera igihugu badatera ubwoba abaturage bashinzwe kurinda, isura Polisi y’u Rwanda ifite igasugira.

“Uzi cyo ndi cyo”, imvugo Minisitiri Fasil atifuza ku Mupolisi w’u Rwanda
Bamwe mu basoje amahugurwa ya polisi
Mu muhango wo gusoza amahugurwa y’ibanze y’abasore n’inkumi 916 mu Ishuri rya Polisi rya Gishari,kuwa 5 Mutarama 2015, Minisitiri Fazil yahatangiye impanuro zikomeye kuri aba binjiye muri Polisi y’u Rwanda.
Ati “Nta Mupolisi ugenda uvuga ngo uzi cyo ndi cyo.” Iyi mvugo itarangwa muri Polisi y’u Rwanda, Minisitiri Fazil yagaragaje ko itagomba kuzabamo, kuko kurinda akarengane ari byo Polisi y’u Rwanda ifite mu nshingano.
Iyi mvugo izwi ku banyabubasha batera ubwoba abo barusha imbaraga kugira ngo icyo basabye cyubahirizwe gityo.
Yababwiye ko Polisi y’u Rwanda iramutse yishishwa n’abaturage byagira ingaruka. Atanga urugero rw’uko umuturage ashobora kuba yirukankana umunyacyaha bombi babona Umupolisi, umunyacyaha n’umuturage bagasubiranayo biruka, Fasil ati “ Polisi y’u Rwanda ntabwo tubishyigikiye… Igishyigikiwe ni uko umunyacyaha ashyikirizwa ubutabera.”
Mu kubakangurira kwitangira abaturage, Fazil yibukije abapolisi ko kuva ku nkweto kugera ku ngofero, imbunda n’ibindi byose babona biva mu misoro itangwa n’abaturage.
Mu ndahiro y’aba Bapolisi mu ijwi riranguruye basezeranye ko bazakorana umurava imirimo bashinzwe kandi ntibazakoreshe ububasha bahawe mu nyungu zabo bwite.
Ku mikoranire ya Polisi y’u Rwanda n’abaturage mu gucunga umutekano, Uwimana Jean, umuturage mu Mujyi wa Kigali, aganira na IGIHE yagaragaje ko badatinya inzego z’umutekano.
Yagize ati ”Polisi ni abantu bacu…uri mu makosa niwe batambikana, Panda gari itinywa n’abakora ibinyuranyije n’amategeko. Si n’Abapolisi gusa n’abasirikare ntitubatinya turabana umunsi ku munsi muri uyu mujyi.”
Imikoranire ya Polisi y’u Rwanda n’abaturage hari ibihugu biyishima, bikifuza ko na byo byagera ikirenge mu cyayo.
Mu Gushyingo umwaka ushize, Polisi ya Cote d’Ivoire yohereje intumwa12 mu Rwanda, mu cyazigenzaga hazamo no kwiga uburyo Polisi yabo itatinywa n’abaturage.
Umuyobozi w’iryo tsinda ry’abanya-Cote d’Ivoire ushinzwe ubushakashatsi n’igenamigambi muri Minisiteri y’Umutekano w’Imbere mu gihugu, Yapi Fidel, yareruye ati "Turashaka kubaza Polisi yo mu Rwanda ukuntu twagira Community Policing iwacu, tugakorana n’abaturage aho kuduhunga. Abaturage bacu baracyagoranye ku gukorana n’Abapolisi, iyo babonye Umupolisi barahunga bakiruka, bamubona nk’umuntu mubi.
Twasanze u Rwanda ruri mu bihugu tugomba kwigiraho, rwiyubatse mu gihe gito nyuma ya Jenoside yakorewe Abatutsi muri 1994 kandi abaturage bakorana neza na Polisi yabo mu gukumira ibyaha.”

No mu mahanga isura y’u Rwanda igomba kurindwa
Aho Abapolisi b’u Rwanda bajya kubungabunga amahoro, Minisitiri Fazil yabasabye ko indangagaciro nyarwanda zigomba gusigasirwa, ku buryo n’uwambaye imyenda ya gisivili imyitwarire ye igaragaza ubunyangamugayo, ku buryo umubonye yavuga ati uriya ashobora kuba ari Umunyarwanda, “yakwambara ibirango by’igihugu ati ntubona ko wa wundi ari Umunyarwanda.”

Related Posts by Categories



Sem comentários:

Enviar um comentário

Related Posts Plugin for WordPress, Blogger...