Bang Media

Shakisha

Indirimbo z'Imana Videos

Havumbuwe uko umuntu azaba ateye ku kigero cy’imyaka runaka

Uko iterambere mu by’ikoranabuhanga rigenda ryiyongera ni na ko hagenda havuka ibikorwa birishamikiyeho bifasha abantu mu buzima bwa buri munsi, ni muri urwo rwego hakozwe uburyo buzajya bwerekana uko umuntu azaba ateye ku kigero cy’imyaka runaka


.Ubu buhanga bwavumbuwe n’abashakashatsi bo muri Kaminuza ya Bradford mu Bwongereza. Prof. Hassan Ugail wayoboye ubu bushakashatsi, yabwiye DailMail dukesha iyi nkuru ko iyi porogaramu izakoreshwa cyane cyane mu gushakisha abana baburanye n’imiryango yabo ndetse n’inzego zishinzwe umutekano hirya no hino ku Isi. Iri koranabuhanga ryifashisha ifoto y’ushakishwa ubundi rikerekana kopi z’amafoto y’uwo muntu ku kigero cy’imyaka itandukanye. Bimwe mu by’ingenzi rirebaho iyo rigenzura ifoto harimo akananwa, umunwa n’agahanga by’umuntu uri kwigwaho. Amakuru iyi porogaramu ikura ku ifoto iyashyira muri mudasobwa ubundi igatanga ibisubizo by’amafoto y’uko umuntu azaba agaragara ku bigero by’imyaka bitandukanye. Aba bashakashatsi batangaje ko ubu buryo ari bwo bwizewe kandi bugezweho ugereranyije n’ubundi bwari busanzwe bukoreshwa. Aba bashakashatsi kandi bavuze ko iri koranabuhanga rishobora kwifashisha n’amakuru rikura ku muntu ufite icyo apfana n’ushakishwa ubundi rigahuza amakuru ribonye n’ay’uwo riri kwigaho. Ubu buryo bwageragerejwe ku ifoto ya Ben Needham waburiye mu Bugereki mu 1991 akiri igitambambuga. Ndetse banayikoresheje berekana uko Madeleine McCann waburiye muri Portugal mu myaka 10 ishize, uko agaragara uyu munsi. Iri koranabuhanga nirikwirakwizwa hose nta kabuza rizafasha abana benshi kongera guhura n’imiryango yabo baburanye.

Related Posts by Categories



Sem comentários:

Enviar um comentário

Related Posts Plugin for WordPress, Blogger...